Zanfina Ismaili: “Do mundohem të bind spanjollët të njohin pavarësinë e Kosovës” VIP: Intervista
Nuk dëshiron të flasë shumë për punët që bën dhe nuk synon karierë jashtë vendeve ku flitet shqip. Por siç kemi treguar, një ftesë që është bërë në adresë të këngëtares, e çon Zanfina Ismailin në Galicia të Spanjës në një konferencë disa ditore me pjesmarje të disa yjeve nga mbarë bota. Ftesa i është bërë nga Shtëpia Iberoamerikane e Kulturës si dhe nga ambasadori spanjoll në Bashkimin Europian. “Do doja ti bindja ata që kanë përshtypje të gabuar për Kosovën, se nga shqiptarët kanë rrjedhur shumë personalitet botërore”, thekson Zanfina në një intervistë për “KJ”.
Zmadho fotografinë
Si e përjetove sezonin veror të stërmbushur me koncerte dhe mbrëmje muzikore mbarë trojeve shqiptare?
Sivjet ishte një verë e bujshme njësoj si ajo e vitit të kaluar dhe punova shumë. Por për këngëtarët vera është me punë dhe jo me pushime. Pushova vetëm 3 ditë por më mjaftoi.
Nga ajo që kemi dëgjuar, këto vitet e fundit jeni shumë e kërkuar, mendon se realizimi profesional i këngëve ka ndikuar që Zanfina të bëhet ndër femrat më të kërkuara të estradës?
Besoj që po sepse gjithmonë kjo është formula e suksesit të prodhosh kualitet më shumë se sa kuantitet. Unë nuk bëj shumë këngë dhe klipe gjatë vitit, por kam dëshirë që ato që i bëj ti bëj në cilësi sa më të lartë.
Në një koncert ishit së bashku me Adelinën. Na trego në aspektin professional si është të punosh me Adelinën?
Adelina është profesionalisti më i madh që e njoh! Ajo nuk i le asgjë rastësisë.Gjithmonë edhe për një koncert ajo kujdeset deri tek detajet më të vogla, ka kujdes edhe çfarë vathë vendos kur paraqitet para publikut sepse i respekton ata në maximum. Gjithmone kur kemi punuar bashkë ajo ka qenë perfeksioniste dhe kujdeset shumë për gjëra, nuk do asgjë që ti shkojë dëm. Është kënaqësi e madhe të punoj me të sepse gjithmone mësoj shumë. Ajo është institucion sa i përket profesionit tonë.
Po në Kumanovë çfarë ndodhi. Media të ndryshme kanë komentuar në mënyrë të vet ngjarjen, na përshkruaj më saktësisht ngjarjen?
Është shumë gjatë po t'i hyja me detaje, por mund të them se ka ende shumë njerëz mashtrues nëpër këtë profesion dhe ata e bëjnë të vështirë këtë punë.
Zanfina pas këngës “Je vetëm ti” akoma nuk ke publikuar ndonjë hit të ri. U përfolën shumë duete por asnjëri nuk është realizuar deri më tani, jeni në pregaditje të ndonjë kënge të re?
Gjithmonë kur kam paralajmëruar duete nuk i kam realizuar, prandaj tash kam vendosur më mos të flas hapur për to. Për momentin e kam një në plan por në mënyrë që mos të shkojë diçka ters nuk do flas më shumë.
Zmadho fotografinë
Zanfina
“Shtëpia Iberoamerikane e Kulturës” në Galicia do të ftojë këngëtaren më të suksesshme të erës së re në Ballkan, Zanfina Ismailin së bashku me mexikanen Paulina Rubio, greken Eleftheria Arvanitaki, kolumbianen Amparo Sandino dhe suedezen Lykke Li, ke filluar pregaditjet për këtë udhëtim, dhe çfarë emocioni tregon kjo për juve?
Më ka gëzuar tej mase fakti që unë jam zgjedhur të përfaqësoj Ballkanin, dhe është nder dhe përgjegjësi e madhe, kështu që do të paraqitem atje në mënyrë më të mirë që mundem, që të kuptojë bota kulturën e lashtë shqiptare.
Po problemin me vizë e ke rregulluar, ke bërë aplikimin tashmë?
Të gjithë këto do ti bëj me kohë sepse ende s’ka datë definitive se kur do mbahet.
Gjatë takimeve me artistë të mëdhej botëror do mundohesh sado pak të loboni për njohjen e shtetit të Kosovës nga vende që tashmë nuk kanë bërë një gjë të tillë?
Po gjithsesi, ky është qëllimi im primar. Sidomos duke u nisur nga fakti që Spanja këmbëngul në mosnjohjen e pavarsisë së Kosovës. Do doja ti bindja ata që kanë përshtypje të gabuar për Kosovën dhe që nga shqiptarët kanë rrjedhur shumë personalitet botërore.
Po në Tiranë kishit lajmëruar një koncert por nuk erdhët shkak të motit të keq, derisa të pranishëm në atë mbrëmje treguan se numri i vizitorëve ishte në numër të madh?
Të gjitha janë gënjeshtra! Në fakt po filloj me rradhë. Mua më kontaktuan nga “Bistro Pool” për datën 4 shtator dhe u dakorduam për një mbrëmje muzikore aty. Por për fat të keq të shtunën më 4 (shtator) në Tiranë ishte mot i ftohtë dhe me shumë shi (njejtë si në Prishtinë) dhe organizatori i mbrëmjes më kontaktoi dhe më tha mos të nisem fare nga Prishtina sepse po e anulojnë mbrëmjen. Unë nuk u nisa fare. Por edhe pse mua më thanë që mbrëmja është anuluar atë natë, me një Dj dhe dy vallëtare mbrëmja është mbajtur dhe lajmërimi se unë s'do të jem prezente në mbrëmje ishte bërë më herët. Por nuk është e vërtetë se aty kishte 30 njerëz, sepse disa të njohur të mi që kanë qenë prezent më thanë se edhe pse s'isha, kishte shumë njerëz në publik.
Në Prishtinë nuk jeni dhe aq prezente jashtë, kohën e lirë e kaloni në shtëpi. Mendoni se fama nuk ju lejon që të jeni më e lirë në lëvizje?
E vërtetë që njerëzit publik nuk janë aq të lirë, por kjo nuk dmth që ne nuk mund të dalim.Unë vet preferoj mos të dal shumë sepse më pëlqen më shumë të qëndroj në shtëpi.
Po sigurim personal keni të angazhuar?
Jo, nuk e kam parë të nevojshme deri më tani, por nëse e kërkon nevoja atëherë pse jo.
Çfarë presim në një të ardhme të shkurtë prej Zanfinës...?
Më mirë të flasin veprat sesa fjalët...?
Zmadho fotografinë
Zanfina
Labels: Zanfina Ismaili
posted by ZanZiBaRi @ 10/02/2010 12:26:00 PM
1 comments
